خرج "سامح" ، نجل إحدى ضحايا حادث حريق العمرانية، عن صمته ليرد على الاتهامات التي طالته خلال الأيام الماضية بشأن وجود تناقض في تصريحاته حول كواليس الحادث، مؤكدًا أنه كان يعيش صدمة كبيرة عقب فقدان أسرته، وهو ما جعله غير مدرك للتوقيتات والتفاصيل وقت حديثه الأول

وفي منشور عبر حسابه الشخصي، إنه فضل نجل الضحية الرد كتابة دون الظهور في أي وسيلة إعلامية، قائلاً "أولًا أنا في كارثة لا يعلمها إلا الله، أنا هقول الكلام ده من غير ما أطلع على أي برنامج، أنا هتكلم على صفحتي الشخصية".

ورد على الجدل والانتقادات حول توقيت خروجه من المنزل: "بالنسبة للتوقيتات اللي اتكلمت فيها إن الساعة كانت 7 وأنا خرجت الوقت ده، أنا كنت غير مدرك تمامًا لأي مواعيد، أنا في مصيبة هركز في التوقيتات إزاي".

وأضاف : "ولما بدأت أركز في التوقيتات والمواعيد طلعت واتكلمت إن أنا خرجت من البيت الساعة 3:30 الفجر، والنيابة والمباحث هتثبت الكلام ده".

وأشار نجل الضحية الي أنه تضارب أقواله حول موعد الفرح قائلاً: "بالنسبة لموعد الفرح اللي كل الناس طالعة بتقول إن أنا قولت الفرح قبل الحادث بـ3 أو 4 أيام، ورجعت قولت موعد الفرح يوم 24 يعني قبل الحادث بـ10 أيام، كان صديقي قاعد جنبي وأنا بتكلم، وهو اللي أشار لي إن موعد الفرح يوم 24، لأنه كان موجود في الفرح، ووالدتي ووالدته وأختي وأولادها كانوا راكبين معاه العربية. 

وأشار نجل الضحية إلى أن عدم تواجده في موقع الحريق وقت حدوثه هو السبب الرئيسي وراء تضارب بعض معلوماته الأولية قائلاً: "بالنسبة للكلام اللي بيتقال إن كلامي متناقض، أنا قولت كل شيء أعرفه لأني كنت غير موجود، وأنا ثقتي كبيرة في المسؤولين اللي بيحققوا في الحادث".

واختتم "سامح" منشوره بمناشدة الجميع التوقف عن توجيه الاتهامات والانتقادات، قائلًا: "كفاية اتهامات وانتقاضات، إحنا في مصيبة كبيرة محدش حاسس بيها، أنا الابن والأخ والخال للأسرة دي، أنا بدور على حق الضحايا اللي راحوا بسبب الإهمال والتقصير. 

لازم أعرف اللي حصل عشان أنا أرتاح، وهما يرتاحوا في تربتهم.