روى إسلام عيسى، لاعب الفريق الأول لكرة القدم بنادي سموحة، تفاصيل موقف طريف جمعه بزميله محمود حسن تريزيجيه، بعد إصابته خلال مشاركته مع منتخب مصر في مواجهة إسبانيا.
وقال عيسى في تصريحات تلفزيونية: "بعد ما اتصابت في ماتش إسبانيا ونزلنا نتغدى، لقيت تريزيجيه جاي بيسألني رجلك عاملة إيه، قلتله الحمد لله".
وأضاف: "قالي بقولك إيه أنا جالي الصليبي قبل كده، هسألك سؤال وتجاوبني على طول بدون تفكير، قلتله إيه؟ قالي أول ما وقعت حسيت إن روحك طلعت ورجعت تاني؟ قلتله لأ، قالي خلاص يبقى مش صليبي".
وتابع لاعب سموحة مازحاً: "معرفش بقى ده طب جديد ده ولا إيه، لكن لما حكيت للدكتور قالي متاخدش من تريزيجيه كلام تاني بعد كده".
وكان إسلام عيسى قد تعرض للإصابة خلال مشاركته مع المنتخب الوطني في معسكر سابق، قبل أن يعود للمشاركة مع ناديه في الدوري المصري الممتاز.
